Postmodernism's contribution to DEIB

POSTMODERNISM and its opposition to Modernism and its contribution to Diversity, Equity, Inclusion and Belonging ( DEIB )  

ఇప్పటి దాకా మనం చూసిన ' పునాది వ్యతిరేక ఆధునికానంతర భావనలు ' విభిన్నత రాజ్యం చేయడానికి అవసరమైన తలాన్ని కల్పిస్తాయి. 

తద్వారా, ఆధునికాంతరత - స్వేచ్చ ని, విభిన్నత నీ, బహుళత్వాన్నీ, తనలో ఇముడ్చుకో గలుగుతుంది . 

ఈ చైతన్యం లో నుంచే , ఆధునికానంతర వాదం, అస్తిత్వం లో ఉన్న సాంఘిక, సాంస్కృతిక విలువలని, వాటి ఆధిక్యత నీ ప్రశ్నించ గలిగింది . 

ఉదాహరణకి, పాశ్చాత్య ప్రపంచం లో శ్వేత జాతీయుల ఆధిపత్యాన్ని నిరాకరించి , పరాయి గా చూడ బడ్డ, పరాయి స్థానాల లోకి నెట్ట బడ్డ నల్ల జాతీయులను, శ్వేత జాతీయులకు ప్రతి గా నిలపగలిగింది. 

అలాగే, స్త్రీ పురుష సంబంధాలలో , ద్వితీయ స్థానం లోకి నెట్టబడ్డ స్త్రీ జాతిని సమాన స్తానం లోకి నిలపగలిగింది - స్త్రీ వాద ఉద్యమమాల ద్వారా. 

విభిన్న సామాజిక ఉద్యమాలను, సంస్కృతులను , ఆచార వ్యవహారాలను, భావ శైలులను , అంగీకరించింది . గౌరవించింది . 

' యూరప్ కేంద్రక దృష్టికోణం ' నుంచి మానవ జాతిని విముక్తి చేసే ప్రయత్నం లో, మిగతా ప్రపంచపు ప్రాముఖ్యత ను నొక్కి చెప్పింది. 

విభిన్న సామాజిక సమూహాలు , తమ గురించి తాము ఎలుగెత్తి మాట్లాడుకోవాల్సిన అవసరాన్ని నొక్కి చెప్పింది . 

' పరాయి ' పట్ల సహనాన్ని, విభిన్నత పట్ల గౌరవాన్ని ప్రదర్శించేటట్లు చేయ గలిగింది . 

ముఖ్యం గా, సమాజం లోని ప్రతి బృందం, తమని గురించి తాము స్వంత కంఠాలతో మాట్లాడుకునే హక్కు కలిగి ఉంటుందనే విష్యాన్ని ముందుకు తెచ్చింది . 

పై ఆలోచనా సరళి ఫలితం గా, స్త్రీ ఉద్యమాలు, నల్లజాతి ఉద్యమాలు, మైనారిటీ ఉద్యమాలు, సకల అణగారిన వర్గాల అస్థిత్వ ఉద్యమాలు, ఆదిమ తెగల ఉద్యమాలు, పర్యావరణ ఉద్యమాలు అనేవి రంగం మీదకి వచ్చి గుర్తింపు పొందాయి. 

ఈ ఉద్యమాల పట్ల ఇంద్ర ధనస్సు లాంటి ఐక్యత  ఉంటుంది . దీనినే ' ఇంద్ర ధనస్సు సంకీర్ణత ' అన్నారు ! 

పై క్రమం అంతా కూడా, ఆధునికానంతర వాదులు ముందుకు తెచ్చిన ' పునాది వ్యతిరేక జ్ఞాన  సిద్ధాంతాల ' ద్వారా సాధ్యం అయింది . 

Page No 118 . Post Modernism , telugu book by Mr B Tirupati Rao.